2miz
غم توتوبدور کونولی یوخ منه همدم بو گئجه بیر قوجاق گول باغلادیم گوز یولدا قالدیم گلمدین عطریوی گاه دردیغیم گوللردن آلدیم گلمدین سن یوباندین ، انتظاردان سولدی بیر بیر گوللریم تئز سولان گوللر کیمی سولدوم سارالدیم گلمدین باغریما باسدیم سازی،سن سیز دونن آخشام چاغی آغلاییب بیر آیریلیق آهنگی چالدیم گلمدین گئجلر تک اوتورب تک قالاسان عالمی وار او گئچن گونلره تک آغلیاسان عالمی وار منده بیر گون بوتون عاشیقلر ایچینده یاشادیم عاشقین گوز یاشینا آغلیاسان عالمی وار رنگی سولموش خزلم یللره تاپشیرما منی گوز یاشیمنان توکولن سللره تاپشیرما منی آندولا آللها بیر گون دوزه بیلمم سن سیز آیلارا هفتلره ایللره تاپشیرما منی ××××××××× دوندون نیه سن عاجز اولان همسفروندن مندن اورگون اینجیدی سالدون نظروندن یول یولداشی آهیسته گدر یولداشا خاطیر ساخلا منی بو گوزدن آخان قان یاشا خاطیر. ×××××××××× گرچه عشق اهلی ایچر بادنی جان ساغلیقینا ایچیرم جام شرابی یاریمین ساغلیقینا ایچیرم تا کی کرم یانمایا دای عسق اودونا ایچیرم سل ده سارا ,داغدا چوبان ساغلیقینا اله بیر وقت گلجک گول ده نظردن دوشجک ایچیرم من گول ایچینده بیر تیکان ساغلیقینا جوانی آیریلیق آخیرده قوجالدار بولورم ایچیرم بیر قوجا شیکلینده جوان ساغلیقینا آیریلیق اولسادا مین جمله جمالون سورم بیر سنه دوست دئمیشم آیری کسه دوست دئمرم دل بیماریمه مینلر طبیب ورسه دوا زهر ورسن ایچرم اوزگه دواسین یئمرم ×××××× من اگرنقاش اولام دنیانی زندان چکرم اولومو آیریلیغی حسرتی پشمان چکرم من اگر صیاد اولام سن کیمی جیران چکرم اورگی پاره ادیب عشقوه هجران چکرم ×××××× گینه آغلاتدی منیخان چوبانین آغلاماسی سارانین مجبور اولوب سللره بل باغلاماسی واردی هر بیر یارانین مرحمی تاپسین طبیبین نجه درمان اولاجاق اولسا طبیبین یاراسی ×××××× دییرم قبری قازان کاش یورولوب بیر دایانیدی ! کفنیم گج یتیشیدی ، جسدیم بیر یوبانیدی! کفنه بوکولممیش یتیشیب سنده گلیدون! حسرتین نن داغیلان سینه می بیر دفعه گوریدون تو را بس منتظر ماندم/ اوتاندی لحظه لر سندن بدان من دوستت دارم/ اینان بو یاشلی گوزلردن سفر از تو گذر از تو/ فقط یول گوزلمک مندن بدان با یک نگاه تو/ اوچاردی غصه لر مندن. صبر ایله کونول محنت هجرانه تلسمه، درد اهلی یتر صبرایله درمانه تلسمه، یوسفده زلیخانی محبتله سویردی، سالدردی زلیخا اونو زندانه تلسمه، دنیایه وفا ایلمه چوخ آغلاما کونلوم، دنیا نه وفا قیلدی سلیمانه تلسمه، کام آلمیاجاق آیریلیقا باعیث اولانلار، عاشیق چاتاجاق سوگیلی جانانه تلسمه... بیر اوشاغام، آنام ســـن ســــن خسته اولسام، داوام سن سن آغاج اولسام،هاوام ســــن سن اورک ائــــویم سنســـیز تــــالان آنا یوردوم، آذربایجان جئیران اولسام ، سن داغیمسان بولبول اولسام،سن باغیمســــان سونبول اولسام،تورپاغیمـــــسان ســــرین سولار،سندن آخـــــان آنا یوردوم آذربایجان آغ بـــــــولوتلار، یور قانیندی مـــــرد اوغوللار قوربانیـندی یول گورسدن ، قورآنینـــدی دوشمن لری ، درده سالان آنا یوردوم آذربایجان من آرازام ، ســن خزرسن آغیزلاردا، چوخ گـــــزرسـن هر آفت دن ، بر حذر سـن قار-یاغیشلار ، سنه یاغان آنا یوردوم ، آذربایجان قول-قانادیم ، هوسیم سن یورولمایان ، نفسیم ســـن من اوره یم ، قفسیم سن منه دایاق ، کومــک دوران آنا یوردوم ، آذربایجان من قوش اولسام ، سن پریم سن زرگـــــر اولسام ، ســـن زریم سن عاشیق اولسام ، دیل بریم ســـن عاشیق لری ، ســــای سیز اولان آنا یوردوم ، آذربایجان گوزَللــــــرین ، گوزَلی ســـن داد لی-دوزلـــو مزه لی سن شاعیرین شعر ، غزلی سن آدین سنـین ، دیلــــده قالان ترکی بیر چشمه ایسه ، من اونی دریا ائله دیم بیر سویوق معرکه نی محشر کبرا ائله دیم بیر ایشیلتیدی سوها اولدوزی تک گؤرسه نمه ز گؤز یاشیملا من اونی عقد ثریا ائله دیم امیدیم وار کی بو دریا هله اقیانوس اولا اونا ضامن بو زمینه کی مهیا ائله دیم عرفانا چاتماسا شعر و ادب ابقا اولماز من ده عرفانه چاتیب ، شعریمی ابقا ائله دیم ابدیتله یاناشدیم دوغولا حافظه تای شیرازین شاهچراغین ، تبریزه اهدا ائله دیم ترکی نین جانینی آلمیشدی حیاسیز طاغوت من حیات آلدیم اونا ، حق اوچون احیا ائله دیم ( فیض روح القدس ) اولدی مددیم حافظ تک من ده حافظ کیم اعجاز مسیحا ائله دیم قمه قداره لر آغزیندا دیل اولموشدو سوگوش من سه وینج ائتدیم اونی ، خنجری خرما ائله دیم ایندی گؤیله رده گؤزه ل صفله صفا ایله گه زیر منجلابلاردا اوزه ن اوردگی دورنا ائله دیم باخ کی ( حیدربابا ) افسانه تک اولموش بیر قاف من کیچیک بیر داغی سر منزل عنقا ائله دیم بوردا ( روشن ضمیرین ) ده هنرین یاد ائده لیم من اونوندا قلمین طوطی گویا ائله دیم نه تک ایراندا منیم ولوله سالمیش قلمیم باخ کی ترکیه ، ده قفقازدا نه غوغا ائله دیم باخ کی تهراندا نه فرزانه لر اولموش واله باخ کی تبریزده نه شاعرلری شیدا ائله دیم هم ( سهندیه ) سهندین داغین ائتدی باش اوجا هم من اؤز قارداشیمین حقینی ایفا ائله دیم آجی دیلله رده شیرین ترکی اولوردی حنظل من شیرین دیلله ره قاتدیم اونی حلوا ائله دیم هرنه قالمیشدی کئچه نله رده ن اونا بال پتگی اریدیب موملو بالین شهد مصفا ائله دیم ترکی والله آنالار اوخشاغی لای لای دیلی دیر دردیمی من بو دوا ایله مداوا ائله دیم شهریار ، حیف ساووخدیر بو دگیرمان هله ده دارتماغا یوخدی دنی ، من ده مدارا ائله دیم ( زنده یاد : استاد محمد حسین شهریار ) گئدیشین گتیردی غمی ، غصه نی ، قلبیم سئوه بیلمز داها کیمسه نی هر گئجه رویامدا گورورم سنی ، یوخومو آپارا بیلمه یه جک سن.
گئتدیین یوللارا حسرتله باخدیم، دنیز تک کوکره ییب ، چای کیمی آخدیم. منیمله قالاجاق بو قارا بختیم ، بختیمی آپارا بیلمه یه جک سن.
گوناهین قارشینا چیخاجاق سنین ، تنهالیق قلبینی سیخاجاق سنین ، آهیم یاندیراجاق یاخاجاق سنی ، آهیمی آپارا بیلمه یه جک سن.
گؤزومون یاشینی سیلسم ده بئله ، سن سیز دردلی - دردلی گولسم ده بئله ، من سنین دردیندن اؤلسم ده بئله روحومو آپارا بیلمه یه جک سن... نصرت کسمنلی
ای وطن جان قویارام تا گوئورم آزاد سنی ؟؟؟؟؟؟
كاش اولما يا يدي / شجاعت قار / ممد آراز ... از دور که میبینم برف سپیدسپید و تمیز است
سئل کیمین چایلار آشیر گوز یاشی شبنم بو گئجه
گون گئدیب گوز قارالندان صونرا گلسه وطنه
منی آی اولدوزونان دفن ائدین اولسم بو گئحه
یئل چالیر قاپ باجانی من نه بولوم قصدی ندور
جام اجل الده گلیر یا منه مرهم بو گئجه
گل کونول دردیوی ده آه و فغان ائتمه بئله
حل ائدر نازلی طبیب دردیوی بولسم بوگئجه
لطف ائله دردلی کونول سویلمه هجران سوزونی
بو سوزون رعشه سالیر جانیمه هردم بو گئجه
سالمیشام بندلری دنیادا بندیم داهی یوخ
اولسامی بنده دچار زولفونه بندم بو گئجه
جان چیخیر یوللاری گوزلور ولی خسته ایکی گوز
جانی تقدیم ائدرم دلبری گورسم بو گئجه
من کی پروانه صفت یانماغا عادت ائله دیم
هارا گئتسم بولورم شمع ئیله گللم بو گئجه
فرقتین ظلمونه من بسله میشم صبر آغاجین
بیر شیرین میوه سینی شوقیله دررم بو گئجه
دلبریم لطف ائلییوب کلبه درویشه گله
یارالی قلبیمینن تئللریین هوررم بو گئجه
یئرده تپراق دیر اگر حیات وئریر آغاشلارا
یا کی دریاده سودور نفس وئریر بالیقلارا
یا گونش دیر اوجادا ایشیق سالیر آلچاقلارا
یا او گؤیدور قوجاقیندا یئر آچیر بولودلارا
منی وار ائدن آنامدیر قوربان اوللام آناما
اؤزو غم ایچره یاشیر بلکه بالا شاد یاشیا
یوکو چیین اینده داشیر بلکه اوشاقدان آشیا
نه یازیم محبتیندن ؟ کی یازیلمیر یازیا
دونیادا صفت تاپیلمیر کی یاراشسین آنیا
غملری سیلن آنامدیر قوربان اوللام آناما
هر بلا گلسه باشا اؤزون منه سنگر ائدر
هامی خوش گونده گلر آجیلارا آننه گئدر
منه تب گلنده بیرگون گوزوندن قان سپیلر
الیمه باتان تیکان قلبینه بیر اوخدو دئیر
دردینن گولن آنامدیر قوربان اوللام آناما
منی چاتدی آرزوما هئچ بیلمه دیم آرزولارین
بیر عؤمور سئودی منی من سئویرم آیریلارین
ائشیدیب درد لریمی هئچ دئمدی آرزولارین
منی باغریندا بؤیولدوب او چکیب سانجیلارین
سؤزومی بیلن آنامدیر قوربان اوللام آناما
بهشت فخر ایلیره جک آننا اونا قدم قویا
ائوده آننه اولماسا ائو دئیل زندان دیر اورا
قورمویون آماندی بیر آن آنالار غملی اولا
نه ثمر باغدان اگر باغیبانین رنگی سولا
منه جان و تن آنامدیر قوربان اوللام آناما
باشیمی عرشه چاتیرسام ایجم باش آناما
وئیرم جان یولونا تا اولام یولداش آناما
آیاقین گؤز اوسته قویسا بوزمرم قاش آناما
بودور آرزوم عؤمریده آنه اولام کاش آناما
جوشارا اؤلن آنامدیر قوربان اوللام آناما شاعر: جوشار(ح.م)
ییخارارام ظلم ائوینی تا ائدم آباد سنی
دشمنی خوار ائدرم تا ائلییم شاد سنی
ای وطن غم یمه سن من هله دا ائولممیشم
انا یوردینی آتیب آیریسینا دونممیشم
دامجی دامجی یغیشا تا کی اولا سیل گرک
مین نفس باهم اولا تا کی اولا ییل گرک
گون باتیب صبحدا گئدیب تا کی گله لیل گرک
ای وطن تک دئییسن من سنه قربان اولارام
تکجه آذربایجانین جانانینا جان اولارام
آنامین یادیگاری قاندا اولان ترکی دییلیم
دردلری سئویلیینی جاننان آخان ترکی دییلیم
افتخار بایداغینی عرشه تاخان ترکی دییلیم
بس ندءن من دانیشام آیری دیله سئوزلریمی
انصاف دییری کی بو قدر فخرءا یوممام گوزلریمی
قان وئرئیی قان توکرییک ای ائورکی قانلی وطن
نفسونن نفس آلییک باشی طوفانلی وطن
آدووا آند ایچریک توپراغی قان شانلی وطن
استبدادا گر قان توکیله سینمیز پارچالانیب باش سئوکیله
دوزءمریک استبداد یوکینهء حتی اگر باش سئوکیله
تاری آزاد یارالدییب نه کی زنجیردا قالاق
بویئوروب ظلمه جهاد ائت نه کی ناحقه باخاق
نچه ائیل دور یاترییک داهی وقتدور اویاناق
اولومه نه واركي ، بير دفعه ليك دي،
سئويب آيري دوشمك كاش اولما يا يدي
نغمه لر قوش كيمي قانادلا نا ندا
گؤزلردن سوزولن ياش اولمايايدي.
منيم قلبيم كيمي اينله مز كامان،
ايلك عشقي ايتيرمك ياماندي ، يامان!...
كؤنوللر اودلارا قالا نان زامان،
اوره كلر بركييب داش اولمايايدي.
من سني سئويرم ، سن واري، پولو،
گور هاردان دوشوبدو عشقيمين يولو...
نه منيم اوره ييم بير بئله دولو،
نه سنين اوره يين بوش اولمايايدي.
يار دئييب آغلايير كؤنلومون سازي،
بير گونده يوز دفعه يانيرام آزي!
شجاعت ، هئچ كسين باهاري ، يازي،
دؤنوب بيردن بيره قيش اولمايايدي.
اوزاقدان باخیرام ، آغ اپپاق ، تمیز
یاخینا گلیرم ، قورد دوشوب قارا
یادیما دوشور کی بعضن حیسسیمیز
نه قدر آلدانیر بو آغلیقلارا
قایغیلار گؤروروک ، بورونجک کیمی
تیکاندان آستاری ، ایپک دن اوزو
وعده لرده گؤردوک کپنک کیمی
آلدانان اوشاغا دؤنده ریر بیزی
...
اوزاقدان باخیرام آغ آپپاق ، قشنگ
یاخینا گلیرم ، قار کیف آتیبدیر
قلبیم اینجیمه سین گؤزومدن گرک
قلبیم ده گؤزومو چوخ آلدادیبدیر
جلو که میآیم ، کرم روی برف افتاده
یادم میافتد که بعضی وقتها احساسمان
چقدر فریب سپیدیها را میخورد
...
دلسوزیهائی میبینیم مانند لباسی که
آستریش از خار و رویش از ابریشم
در وعدهها دیدیم مانند پروانه
ما را به کودک فریب خورده تبدیل می کند
...
از دور میبینم ، سپید سپید ، زیبا
جلو که میآیم ، برف کپک زده
قلبم نباید از چشمم برنجد
قلبم نیز چشمم را زیاد فریب داده
| Design By : Night Skin |
Authors
LinkDump
